You Cannot Download this book untill you login but you can read it .

---

Login Register

tana kan doguwar kujera. Ta haɗe fuska sai kubbure-kubbure ta ke yi, sakamakon yau ko baccin kirki Hajiya Baaba ba ta kyale ta ta yi ba, ta bijiro mata da rigima. Yanzu ɗin ma kallon ta yi tare da zabga mata wata uwar harara ta ce,
"Kin san Allah ba zan zauna ƙazama ba, dube ki mace har mace amma ko ɗan kamfai ba kya iya wankewa, kuma wai abin takaici kike kiran kanki da mace."Ta ce tana kallon yadda take ta jijjiga tare da ƙara harararta. Sai ta ɗora da cewa,
"Ke fa gabakiɗaya rayuwarki matsala ce, domin in za'a sanya ni rubutu akan matsalarki wallahi saina cika littafi. Mace ba addini ba iya iya girki ba tsafta. Kullum sai shan kaɗe-kaɗe da raye-raye. Yarinya sai ka ce dangin dujal. Ke ni da tarihi ya zo cewar a mace dujal zai zo sai na ce ya bayyana a jikokina."
"Kin ga Hajiya ki daina ce mini Dujal."
"Rufe mini baki ina magana kina magana shashasha kawai!" Ta kai mata bugu da carbin da ke hannunta, wanda ta ji zafi sai ta saka kuka sosai." Kika duke ni? Wallahi saina gaya wa dad, kuma ba zan ƙara kwana a sashinki ba." Ta ce cikin tsigar shagwaɓa.
"Au iyye kashe ki na yi ba duka ba, ɗan wannan shauɗar da na kai miki? Taf ai ko kina da aiki, don wallahi gidan kowa ya sanni duka nake yi, ke hatta Ajmal ban raga mishi ba, kuma kifi ruwa gudu."
"Ashe ko wallahi za ki dukan ma kanki, domin na san right ɗin.."
"Au ramawa za ki yi?" Ta tambaye ta cikin sauri tare da ƙara kai mata bugu.
"Ni bance ba, amma kuma ni ban san mai zai faru ba."
"Innalillahi wa inna ilaihir raju'un!" Hajiya ta ce tana salati tare da tafa hannayenta.
"Oh ni jikar mai gishiri. Ina ta murna jikallena za ta zo, zan huta da waɗancan marasa mutuncin ashe, lumbu-lumbu wutar ƙaiƙayi za'a kawo mini. Ko da yake ni dama tun da na ga idanunki ya soye na san cewar kura da fatar akuya ce ke."
Jannah ta buga kafafunta don ba ta gane karin maganar da ta yi mata ba, sai kawai ta ɗauki wayarta tare da tare sakin kuka.
"Dad zan kira na gaya mi shi kirana kike da sunayen sabbobi."
"Kira shi don ubanki. Daga shi har uwar ta ki ba su ishe ni na. Yo ni da ake jifana da tsafi amma na kasa taɓuwa, ballantana ke da iyayen na ki da kuke shashashu, ba ku riƙi komai ba sai aƙiddar banza ta yahudu da nasara. Ani na sha tabara na sha yasin tun ina ciki."
"Oh ko me kika ce dai ba zan saka atamfar nan mai kama da ruwan tumbuɗi ba. Mom na sanya atamfa amma ba irin wannnan marasa kyau ba, don haka dad zan kira ya turo mini kuɗi na siyo zaɓin raina"Ta ce cikin sangarta da shagwaba tare da dorawa.
A haka na taso, Kuma tarbiyar da 'yarki ta ba ni kenan, don haka masu aiki za'a ɗaukar mini.
"A'a bayi za'a siyo miki, ba masu aiki ba. kuma wallahi ba ki isa ki rinƙa zama mini a gida tsirarara ba. Ki gode wa Allah, da na ba ki atamfofina da ake siya mini duk sallah."
"Ba na so. Na lura "yar dirama ce kuma wallahi na fi ki iya tsiya." Ta ce cikin tsiwa.
"Ashe ko za'a kwashi 'yan kallo, ba ki san wace ce Hajiya Baaba. Lokacin ƙuruciyata saɓa ƙato nake na nuna ma Allah na buga da ƙasa, sai da na gagari hatta mai-gari ballatana ke karan kaɗa miya kina ji da kwakwankaso kamar an ɗaurawa tabarya zani"
"Ki dai ce komai, islamiyar ma ina dama ba zan je ba."
Da sauri ta dawo tana jifan ta da kallo ta ce,'Inda kika yi kaɗan kenan, daƙiƙiyar banza kawai."
Haƙura ta yi da neman dad sakamakon layinsa da ya ƙi shiga, sai ta miƙe tana harararta har da su muguɗa baki, wanda hakan ya ƙara ƙular da Hajiya ta bita a guje har zuwa bakin falo. Tuntuɓen da Hajiya ta yi da ƙofa ya sa ta daina gudun tana nishi.
"Wayyo Allahna! Wanann sheɗaniyar yarinyar ta ja na fasa ƙafa! Allah ya isa tsakanina da ke."
Jannah da har ta shige sasan su Aby ba ta ji me ta ke cewa ba.
"Hello dad ka na ji na? Please I need to upgrade my drower." Ta furta cikin shagwaɓa tare da fatar Allah ya sa ya ba ta kuɗi da yawa tana son ta yi sub na data don kuɗinta yawanci a data da chaculate yake ƙarewa.
"Ok, I will send you 200k, but please do answer your mom's calls."
Jan numfashi ta yi jin abin da ya ce."But dad.."
"No kar mu yi haka dake, ki bi umurina. Mahaifiyarki na buƙatar ki. She is in depressed and she needs your acompany. Trust me she really adore you."
Wannan karon shiru ta yi na ɗan lokaci domin tunaninta ya ba ta kawai yana faɗin haka ne don ya shirya su, ko kuma ta hura masa wuta da rashin mutuncinta kullum.
"Ni gask.."
"I said please! For the sake of me."
"Shikenan ta ci albarkacinka I will give her a call."
"Good girl. I know you will.
Sure, why not dad?" Sai ya yi dariya yana jin daɗin abin da ta ce.
"But seriously dad, don't put the blame on me. Don har yau ina jin babu daɗi yadda take yi maka. Ka duba yadda ta ɗora ma kanta wahala kula da duniya, amma a gidanta ta kasa bamu farin ciki. Shugabanci a gida ake fara yin sa. I knew tafiyar da ta yi, shi didn't seek your permission. Arrogant woman kawai."
"Well, my girl I see you poin, but please na ga ya miki your mom has good intention and she is doing the right things."
"Oh please dad! She isn't, you are just depending her as you do always." Dariya ya yi sosai jin me ta ce.
"Ni dai ƙara roƙon ki na ke da ki kira ta, support her and encourage her for havean sake, will you?"
"Sure I will, za ta ci albarkacin son da na ke maka." Ta ba shi amsa.
"Promise?" Ya ce cikin muryar roƙo hakan sai ya ba ta tausayi matuƙa, ta san cewa mahaifinta na matuƙar son ta wanda dalilin da sanya take garasa kamar ƙwallo.
"Saboda hakan zan tura miki da 300k sai ki saya harda abayoyin da mom ɗinki take sawa, yauwa ba ri na zaɓa miki colour."
Sai ya ɗan numfashi yana tunanin can ya ce,"Uuummmm! Pink, pich, and purple. It will fit you, like it does to your mom. Ba ki ga kalar da ta sanya ba da za ta yi tafiya ash colour, sosai ta yi kyau. Tamkar na sace ta na gudu. Yauwa ki haɗa har da ash."
Dariya suka yi sosai yana faɗin." Your mom is really beutiful and she has Charming charisma.."
"Dad, kai ma fa wani lokaci ba ka iya controlling kanka a kan soyayyar da kake mata shi ya sa ta yi ta gara ka kamar ƙwallo. Please do pretend you don't, don ita ma pretending kawai take yi, amma ai tana sonka, don babu macen da za ta kalle ka ba ta kware ma ka ba."
Sosai ya ji daɗin abin da ta ce."Ya zan yi Jannah? Ba ki san soyayya ba shi ya sa., kuma ke yarinya ce har yanzu..."
"Common dad am not under age, am 18years. So am full grow woman."
"That is why I keep calling you baby." Ya furta tare da kashe wayarsa yana faɗin,"Bye do take care of youself."
Ya faɗa jin abin da ta ce ya yin da zuciyarsa take cike da farin ciki don ya san in har ta kira zai samu sausauci daga gurinta.
Rungume wayar ta yi cikin farin ciki matuƙa domin tana matuƙar son mahaifinta.
Suna gama wayar sai ga alert ya shigo daga gurinsa. Murmushi ta yi mai sauti. Wayarta ta ciro ta tura mata da tsaƙo hi, wanda ko sakan biyu bai ya ba sai ka kiranta. A gadare ta ɗauki wayar.
"Wane ne?"
Zuciyar mom ta karye sai ta ji babu daɗi duk da ta san ta yi hakanme don kawai ta ɓata rai, amma ta san cewa ko mutuwa ta yi ta dawo ba za ta manta numbarta ba.

"Yanzu kina nufin ba ki da numbata Jannah?" Shiru kawai ta yi ba ta ce mata komai ba sai zuwa can ta ce,
"Ina son kuɗi zan je shoping." Ta furta ba cikin rashin ladabi da girmamawa.
"Na wa kike so? Faɗa mini na yi miki alƙawari ko nawa Jannah, domin komai da nike nema na ki ne. Ki faɗa mini zan ba ki."
"200k." Ta sanar mata.
"Ok, iya hakan kwai kike so? Ba ri na tura miko dubu ɗari biyar. In ba su isa ba sai na ƙara, ni dai burina ki damu da ni, ki ƙaunace ni ko da kwatankwacin rabin na mahaifinki ba ne."
"Yauwa mom, ki gaya ma wancan rigimammiyar mahaifiyar ta ki, ta kiyaye ni, kuma ki ɗaukar mini aiki don ba zan iya aikin da take saka ni ba. Na ga haka kika koyar da ni, idan da ce babu kyau ba za ki tarbiyartar da ni a haka ba, saboda iƙirarin son da kike cewa kina mini."
Sai ta ji kalamanta tamkar saukar aradu a ƙwanyarta. Rintse idanunta ta yi cikin ƙunar rai. Wasu zafafen hawaye suka wanke mata fuska.
"Na yi kuskuren da ba zai gyaru ba. Ki yi haƙuri zan yi mata magana."
"Humh"
Ta ce tare da kashe wayar da sauri tana hararar wayar don duk wayar da suke yi daurewa kawai take yi, amma wani zafin ta take ciki.
Mom ta ije wayar cikin tsananin damuwa domin a maimakon ta ji sausaucin kirar sai baƙinciki da ya cika zuciyarta, domin ba haka ta so ba, don ta so ta gaya mata kalamai masu daɗi na tsakanin 'ya da uwa sannan ta tambayeta cikin girmama, amma kiran wani nasara ce.
"Watarana za ki fahimci gaskiya ki soni fiye da yadda kike so mahaifinki. Sai dai, ina miki fatan ka da ki yi nadama a lokacin da ruwa ya ƙarewa ɗankada. Wataƙila ba ni a raye ko kuma ba ki da halin gyara kuskurenki. Allah ya yi miki albarka." Ta ƙarashe maganar cikin muryar kuka.

Ƙarar shigowar kuɗin ya sa ta zuba wani irin ihu.
"Da ma na san za ta tura mini, ai mom is open handed. Ko da yake kuɗin ta ke samu ba ta san darajar kuɗin ba.
Miƙewa ta yi tana mazurai ganin Hajiya Baaba a kanta.
"Da ga gani ba ki da gaskiya. fitsararriya kawai."
"Tun da ba sata na yi miki ba sai a sha fa mini lafiya."
Hajiya ta yi ƙuta tare da kai mata bugu amma sai ta dakata jin wani uban ihu da ta ƙwala har sai da gidan ya amsa.
"Na ba ni! Ki ji mini 'ya za ki tara mini mutane. Wallahi in kina cin ƙasa ki kiyayyi ta shuri, ki yi mini biyayya mu zauna lafiya babu mai jin kammu. Ungo maza ki je direba ya kai ki a gwada ki ɗinki, da kayan Ummu Kursumu za'a gwada ki."
Turo baki ta yi tana kallon kayanta wulaƙance."Allah ya tsare ni. Ni na lura you are trying to deprive me."
"Jannah ina matsayin kakarki na yi miki kyauta ki ce ba kya so? To wallahi uban kuturu ya yi kaɗan."
Ta zauna tare da gutsirar goro ta saka a bakinta kana ta ci gaba da cewa,
A hannuna a ka bar mini amanarki, ni ce na ke da ikon zaɓa miki abin da na ke so a rayuwarki. Zan fara koya miki girki da kula da kanki komai da komai zan koya miki, kar ki yi aure mijin ya ga mun cuce shi, duk da cewar tare za mu yi zaman auren."

"Allah ya ba ki sa'a, na ga wanda za ki koya wa, don na gaya wa 'yarki masu aiki za ta ɗauko mini kuma ta amince."
"A ina? Amma ba dai a gidan nan ba, kuma ina raye ko. Ai ni mamakin Halimatuu na ke, wallahi albasa ba ta yi halin ruwa ba."
"Rigima kike ji in ban da rigimar ki mai zan yi da kayan tsoffafi ai kalar ki ce kayan, ko ba ki san wace ce mahaifiyata."

"Dallah rufe mini baki! Na haifi 'yar da cikina? Ai ni ce mai ƙashin ar'azikin, in da ba ɓan haife ta ba a gidan uban wa za ta haife ki. Ai wallahi na iya haihuwa. Kin ga kuwa ƙauyenmu har gori aka yi mini cewar ni da arziƙi sai dai in a jahannama ana yi, sai ga shi Allah ya nuna musu ishira tun duniya ya fara nuna musu ni 'yar aljannah ce. Mata nawa suka ci arzikin haihuwa da maza a karkarkarramu. Shi ya sa na ke shuka musu barbaɗar rashin mutunci.
"Huhm daga ganin ki Hajiya kin shuka rashin mutunci da kuruciyar.."
"Ubanki na ce"?! Tantiriya kawai ni kike faɗa ma haka."
Ɗakinta ta ruga tana faɗin, "Ashe ke muka gado." Ta shige ɗakin ba tare da ji me ta faɗa ba.
Hajiya ta ce." Allah ya kyauta gayyar arna a idi. Waɗancan fitsararrun kenan ni suka gado? Ƙarya kike yi, ga dai waɗanda suka gado ni nan sun zamo jigo ga al'umma.

Wanka ta yi sannan ta nufi sashin su Nahlin ta same tana zaune a falo tana tsefe wa Ummita kitso.
"Don Allah, Anty Nahlin za ki raka ni shopping? Dad ya tura mini da 3000k" Ta ƙarashe tambayar tana zama a gefenta.

Murmushi ta yi tare da ware idanunta."Iyye dad's pet. 3 hundred thousand just like that! Ba ri na kammala mata tsifar, in yi girkin rana sai mu shirya, I hope by 4 pm is ok? kin ga sai ki ta ya ni girkin ko?"
"Tab, na dai ta ya ki hira, don ni wallahi I can even remember when last I enter kitchen. Komai na ke buƙata sai dai a kawo mini. And you know what? I enjoin that" Ta ce mata tana ƙoƙarin kunna data, ta kunna tiktok. Sai ta juyo ta kalle ta ta ce,
Girgiza kant ta yi a ranta tana tunanin anya mom ba ta yi kuskure ba da sunan gyara?
"Anty Nahlin kina ƙoƙari fa, na ga gidan nan masu aiki har biyu, amma kullum kina kicin girki?"
Dariya ta yi."Eh, tsarin Ammy ce. Ya Ajmal ba ya cin abincin masu aiki, na su suke girkawa da masu gadi, sai karnika."
"To sai na wa kenan? Ya mai da ke baiwarsa kenan? In girkin daɗi ne ya girka da kansa mana. I believe ko ruwan zafi ba ya iya dafawa, amma zai takurawa rayuwarki. Ni da tun zuwan gidan nan, na gane ya ɗauki mace baiwa, saboda ko serving ɗin kansa ba ya iya wa, sai dai ki yi masa, sai ka ce cikinki zai kai bincin. I was like haba!"
Dariya ta kwashe da shi sai da ta yi mai isarta ta ce,
"Lallai kina da aiki kuwa. So what if kika auri miji irin Ya Ajmal mai son girkin matarsa?"


Labarin ya zo da wani irin salo da nishadi, karku baru a ba ku labari. Ku biyo ni domin it’s just like a little introduction part, and guess what? You will really enjoy it. Believe me, my dear readers. Your happiness is my concern. Follow me on Facebook, Whatsapp, Wattpad, Arewaboo, and Bakandamiya. Ta ku, Jamila Lawal Zango (Jamsy).

FOR WHATSAPP: 08144072423
CALL: 07072971093





KURA DA FATAR AKUYA*



*RUBUTAWA:-*
*JAMILA LAWAL ZANGO*
(JAMSY)

*SADAUKARWA GA:-*

*BADAMASI (AUTA)*

FIRST CLASS WRITERS ASSOCIATION
(Home Of Qualities And Trusted Writer's Of The Nation?)






Ban yadda a juya mini labarina ta ko wace siga ko karantashi ba tare da izinina ba. Aikata hakan zai sa mutum ya fuskanci doka.





*PAGE 9-10*



BISMILLAHIR RAHAMANIR RAHEEM




Allah ya kyauta! Shi kansa ya san matar da zai aura ta yi masa girki. Kamar ni babban yarinya irina mai aji, kuma he will expect me to cook for him?" Ta ƙarashe maganar tana juya jikinta wanda hakan ya ƙara ba ta dariya sosai.
"Kin san Allah Anty Nahlin? Ni ko zan yi aure ba yanzu ba, sai na yi degree, master, and phd. If possible na fara aiki. Haihuwa kuwa, anya zan iya may be one."
"A tab! Lallai ko da yake yarinya ce ke, ƙuruciya ke damun ki. Amma dai ina gargaɗin ki da kar ƙi ɗauki ra'ayin riƙau, wato feminism da kuma iƙirarin da bature ya ke yi na. What a man can do, woman can do better. A ko da yaushe namiji shi ne a gaba. Kamar yadda littafin mu mai tsarki ya ce. So please ki cire wannan a ranki."

Taɓe baki ta yi ba ta ce mata komai ba tana skipping kallon da take yi. Ganin hakan ya sanya ta ci gaba da cewa,
"Ko mom da kika gani, a gidan aurenta ta samu wannan ɗaukakar, don haka ki cire wannan tunanin."

"Haba Anty Nahlin! It is just my ideation. Kuma planning to my future kike tada jijiyar wuya haka har da su kawo ya da wa'azi. Mutum fa na da ikon tsara wa kansa abin da yake so. Kum..."

"Ki gyara kalamanki domin mutum bai isa ya tsarawa kansa rayuwa ba sai Allah, shi ne ya ke da ikon wannan Mudabbirul amri ne. Kin manta ko shi baturen cewa ya yi man proposed but Allah disposed?"

"Huhmm." Ta ce cikin guddurar kalamanta.

"It hasn't go to that. I just telling you as far as am concerned ne."

"Na lura sam ba kya son gaskiya halin ki ɗaya da Ummu Kursum ita ma ba ta son gaskiya. Ni kuma as World concerned na ke gaya miki."

"Anty Nahlin. You know what? Let me go to falo and watch film. Is like you don't need my accompany bye."

Dariya ta yi ta kama hannunta ta riƙe."Sorry sis, dawo ki zauna na daina."

Ba bu kunya ta zauna tana murmushi sai kuma ta fara zuba tana mata hirar celebrities wasu ko sanin su ba ta yi ba. A haka suka gama girkin bayan sun ci sun yi sallah, Jannah ta yi wanka tare da wucewa sashin Hajiya Baaba don ta canza kaya.Bayan ta gama suka ci abinci suka yi sallah.

Ta same ta zaune a falo tana shan fura. Gallah mata harara ta yi, tare da kai ludayin furan bakinta. Dariya ta yi tana faɗin,
Allah ya bar mini kakata." Sai da ta kammala shirya cikin riga da wando ta fito tana rolling ɗin ɗan siririn veil ɗinta.
"Hajiya zan je shopping me zan siyo miki?"
"Kin san an gaya miki, ki daina mini isakancin turancin nan na ki? Tun da ba ji na ke ba, in ba haka ba zan shuka miki rashin mutunci."
"Allah ya ba ki haƙuri. Siyayya za ni me kike so."
"Ban sani ba, umma ta gai da ashsha." Ta faɗa a ƙubule.
"To shikenan, sai mun dawo." A gajarce ta faɗa tana ƙoƙarin ficewa.
Ganin da gaske take sai ta ƙwala mata kira ta ce."Dawo mana shalele, maimakon ki rarrashe ne sai ki tafi? Ni fa tsiyata da ke ba ki da kirki. Abu mai daɗi za ki siyo mini."
Dariya kawai ta yi ta fice sai da ta kai ƙofa ta ce.
"Sai jarabar faɗa da kwaɗayin tsiya."
"Abby ya fita da motarsa. Ammy kuma tana gurin aiki, sannan motar ya Ajmal ko da tana nan ta fi ƙarfinmu, nan ga ni, nan bari. Don haka dole mu shiga motar gida."
Kallon wulaƙanci ta yi wa motar tana yatsina fuska.
"Kai dole mom ta saya mini mota, ba zan iya wahala ba."
"Lallai aiko da wuya Ya Ajmal da Abby su yadda. Za ki shiga aji shida na sakandiri ne za ki rinƙa driving? Ki sani Nigeria ba kamar London ba ce."
Ta ƙarashe maganar tana ƙoƙarinn shiga cikin motar ganin Musa direba ya shiga ya kunna.
A shopping Mall sai da ta yi wa kanta ƙarƙaf sannan hankalinta ya kwanta don ta jido kaya masu tsananin kyau har Nahlin da Ummita ta siya wa sai Hajiya da ta siya mata ƙwalama.
Suna shirin fita daga mall ɗin ta hango wata doguwar riga mai tsananin kyau.
"Wow Anty Nahlin! Kalli wannan rigar ta tafi da ni, bari na duba app ɗina na palpay kamar ina da kuɗi na sayi rigar nan.
"Kai Jannah, na lura ke money monger ce, duk irin kayan da kika siya, amma ba su ishe ki ba?"
"Allah ta yi kyau ne." Ta ba ta amsa.
Hankalinta bai kwanta ba sai da ta sayi abayar suka je gurin biya. Tana ƙoƙarin transferring ɗin kuɗin ta ji muryar namiji ta bayanta ya na faɗin,
"Yauwa Mufid! Ma za ƙaraso yau Allah ya haɗa ni