You Cannot Download this book untill you login but you can read it .

---

Login Register

zata sake yi ba.
Ta shirya junior ta tarar da shi a tsaye yana jiransu.
Ta bashi mukullin ya karɓa don gabad'aya yanayinta irin wanda baya so ne. Sanyi k'alau ba kazar kazar ba takalar faɗa ko rintom tana binsa kud'i.
Yadda ta ɗauko junior ya sanya ya gane ba zata yi wata doguwar magana ba, bare ta yi zantuka masu nauyi.

Haka ya ja motar suka fice. Sun yi nisa sosai ba wamda ya ce uffan.
Gabad'aya ya ji komai ya gundure shi. Ya waiwaiya ya ga junior ya yi barci ne.
Ya numfasa ya ce "Amma ina ga na sha fad'a miki ban son wannan dan gyalen da bai fi daidai Noor da Farha ba".
Tana kishingiden ta ce "Bubu ce a jikina ai babu damuwa".
A tunzure ya ce "To ni a wajena da damuwa" .
Maimakon ya ji ta hakikance tana fahimtar da shi sai kawai ta ce "Idan muna tare za'a gyara". Daga haka ta kame bakinta ta yi shiru.
Ya rasa kuma mai zai ce don gabad'aya ba haka yake so ba.
Shi yafi son su yi ta daru.
Ya kasa hak'uri ya ce "Ke nan kina jiran na sallame ki ko?"
Maimakon ta amsa masa da Baki Sai kawai ta fara kuka, kuka kuwa mai nauyi.
Hankalinsa ya yi tashin gauron zabi. Ya zuba ido kawai yana kallonta cikin kaduwa da lamari.
Sosia ta yi kukan sai da ta gaji dan kanta sannan ta bude jakarta ta goge fuskarta.
Ya nisa ya ce "Wato dai so kike ki nuna na zalunce ki ko Abida? Akan me za ki dinga yi mini irin wannan kukan?"
Bata ce masa komai ba.
Ya rasa mai zai ce. Kan dole ya rage gudun da yake yi.
Murya ba amo ta ce "Idan baka ji a jikinka ka zalunce ni ba. To ai baka da kaico kada ka damu kanka".
"A hassale ya ce "To menene ya sanya ki kuka, menene damuwarki ne?"
Hawaye ya sake k'wace mata. Ta ki yin magana illah hawaye da yake ta tsere a fuskarta. Hankalinsa ya yi tashin gauron zabi.
Ya fara fad'a.
"Ki cigaba da yi mini kuka ba gaira ba sabar. Ban yi miki komai ba, haka kawai sai kin tayar mini da hankali alhalin ma kamata ya yi na sake fita a harkarki tunda jiya da yau duk gaisuwar raini kika yi mini. Abida cigaba daga inda kika tsaya na wulakanci ai ba zan mutu ba. Ba dai aikin da zan je yi ne za ki yi sanadin da zan kwakwalewa mutane idanuwa ba. To Allah ya baki sa'a ki yi sanadin da za'a rufe ni saboda zan yi aiki babu nutsuwa a tare da ni." Save Restricted Content Bot, [Oct 31, 2025 at 11:58]
Maimakon ta yi shiru. Ai kawai sai ta cigaba da zirar da hawaye tamkar ruwan famfo.
"Har suka airport bata yi magana ba illah kukan sharb'e.
A ransa fad'i yake yi "Wannan shine ga mari, ga tsinka jaka. Shi dai a yanzu ba zai wani rarrashe ta ba. Amma kukan da take yi ya yi matuƙar dungunzuma zuciyarsa.
"Kai mata da kinaya suke barin ma dai Bilki da Abida".
Kan dole ya ce "Dauki wayata ki yi dialling lambarki. Sai ki yi saving sabon layina.
Dad'i ya kamata amma ta matse. Shekaranjiya ba irin rokon da bata yi masa akan tana son lambarshi kafin ta ga chart d'insa da budurwa amma ya hanata. Bayan ta ga chart kuma ta rasa kuzarin da zata kwafi lambar layinsa ko ta k'ira layinsa.
Murya ba amo ta ce "Bar shi kawai Yaya Sulaiman ba sai na ajiye lambar ba, tunda ba da ni kawai zaka dinga yin waya ko chart ba, ni na hak'ura kawai".
Ya zuba mata ido yana karantar yanayinta.
Cikin sakwanni ya fahimci da dukkan gaskiyarta ta yi jawabin. Hakan kuma alamace idan har zai yi aure to zata bar shi gabad'aya ne.
Ya hassala ya ce "Abida, Abida, Abida!
Kanta na kasa ta ce "Na'am Yaya Sulaiman ".
"Wallahi ki bini a hankali wato har kina da kuzarin da za ki saka mini sharadi, saboda na yi shiru ban bayyana abin da kika yi mini ba?"
Ta fara kuka mai sauti ta ce "Ni ban yi komai ba, ba yadda za'a yi ace Abida mai hankali da ilimi ce zata soki MAMI. Sharrin jinnul Ashiq ne ba ni ba ce. Duk da haka na baka hak'uri kan hak'uri amma ka kasa yafe mini. Tsakanina da Allah na gaji. Kawai ka fito ka fad'i laifin nawa, sannan ka yanke mana decision, don na gaji da wannan takurarren yanayin da nake ciki.
Idan zaka iya yafe mini komai ya wuce to hakan nake so.
Idan kuma a zuciyarka kana ganin ba zaka iya yafe mini ba, to be sincere bata mini lokacin da kake yi ya isa haka".
Ya yi shiru.
Cikin sigar umarni ya ce"Abida d'auki wayata ki yi abin da na sanya ki".
A wannan karon bata k'i ba.
Ta dauki wayar ta kira layinta sannan ta ajiye masa.
Sun isa airport ya yi parking a inda aka tanada.
Ya ga bata motsa ba.
Ya ce "Zan tafi"
Kanta na k'asa ta ce "Allah ya k'addara had'uwarmu".
"Kina daga zaune ba zaki taso ki rike mini jakata zuwa bakin entrance ba?"
Murya ba amo ta ce "Ka yi hak'uri jikina babu kuzari, idan ka dawo zan zo har can din in sha Allah."
Ya girgiza kai ya fice ya bude boot ya dauki jakarsa.
Ya bude baya ya shafa kan junior sannan ya rufe motar.
Ya ga tana zaune a inda take zaune ba alamun zata fito ta shiga mazaunin direba.
Ya ce "Abida fito ki ja maotar nan".
Bata kalle shi ba ta ce "Zan tafi ne."
"Yanzu za ki tafi".
Ba musu ta fito ta shiga ta yiwa mota key sannan ta yi gaba ta bar shi ba hon ko daga hannu.
Ya saki ajiyar zuciyar ya ce "Allah ya shirye ku kawai".
Don a yanzu ita da Bilki wani irin ga ni yake musu na daban.
Kaitsaye gidan Bilki ta dira.
...
Alti ta dinga murnar zuwanta. A gidan ta karya. Junior kuwa yana wajen wasan yaran da aka yi musu na mussaman.
Bilki ta ce "Me ya samu idanuwanki ne haka Abida?"
Ta ce "Hmmm wanccan yayan naki mana da yake neman kashe ni a tsaye. Tisa shi a gaba na yi da kuka mai gigitarwa kuma na k'i magana. Na fad'a miki ya rikice ya hau sababi da buyagin zan saka ya kwakwalewa mutane idanuwa".
Bilki da Alti dariya sosai.
Alti ta ce "Kina wuta Abidan Baba."
Ta nisa ta ce "Allah Alti al'amarin ya fara fin k'arfina. To nasan baya son ya ga ina kuka, tunda shi juninsa taurin rai to idan zamu hadu sau goma,.zai ga ina kuka".
Ta waiwaiya ta ce "Maigado ya fad'a miki yana neman aure a Kano?"
Bilki ta girgiza kai cikin nutsuwa ta ce "A a ".
Abida ta samun nutsuwar zuciya tunda bai faɗawa Bilki ba to kuwa ba da gaske ba ne".
Ta nisa ta bata labarin chart d'insa da ta ga ni".
Bilki ta k'i ta nuna mata wata alamar ta sani. Ta ce "Wane shi ya fara wannan katobarar ai da mun bar shi for life".
Dad'i ya cika zuciyar Abida ta ce "Ai kuwa tunaninmu d'aya don Wallahi hak'ura zan yi da shi matuƙar ya ce bayan wannan dogon lokacin da na shafe ina dakonsa zai mini tukuicin kishiya to kawai na yafe shi. Zan ta dumama ruwan dumi da gishiri ina gasa wajen ba shikenan ba?". Save Restricted Content Bot, [Oct 31, 2025 at 12:06]
Gabad'aya suka fashe da dariyar batunta.
Sosai suka yi hira ta warware sai yamma ta koma gida.

*Kano*
Zuwa yamma ya kammala da asibitin Makka eye Hospital da yake Gadon Kaya.
Ya saka hannun kan aikin da zai yiwa mutane 100 cikin kwanaki goma.
Wand za'a fara kwanaki biyu masu zuwa.
Ganin yamma ta yi kaitsaye ya zarce Bristol hotel da yake farm centre ya kama d'aki.
Washegari wajen shad'aya abokinsa ya zo a mota ya d'auke shi zuwa gidan Hamida da yake court road.
A bakin gate din gidan ya ajiye Shi akan idan sun gama ya masa waya ya zo ya dauke shi.
Sulaiman ya yi mass godiya.
Maigadin ya shaida shi don haka ya bude masa k'ofa babu bin ba'asin daga ina yake ko wajen wa ya zo.
Ya shiga katafaren gidan Hamida.
Amma tashin hayaniyar da yake jiyowa daga cikin gidan ya saka shi fargaba.
Haka ya kutsa cikin gidan ya tarar tana zaune tana kuka yayin da mijinta ke tsaye cikin tsananin fishi ga y'arta ta farko da k'aninta a gefe suma cikin wani irin yanayi marar dad'i.
Hamida na jin muryarsa ta zabura ta nufe shi ta rungume shi.
Shima ya rungumeta. Kanta na kan kafaɗarsa ta kasa magana illah kuka mai tsananin gaske da take yi tamkar zuciyarta zata yi bindiga.

Hankalinsa ya yi tashin gauron zabi.
Ya rike hannunta ya Ta zuwa kan kujerar da tafi kusa da su.
Ya kalli mijinta ya ga fishinsa ya ragu ba kamar sadda ya shigo ba.
Da girmamawa Sulaiman ya Fara gaishe shi don kuwa na sa'ansu ba ne zai kai Yaya Asad.
Shima Mai sharia da mutuntata ya karbi gaisuwar Sulaiman.
Ya ce "Zo mu je ka sauka a wajena."
Sulaiman bai ki ba, ya bishi zuwa falonsa.
Da kansa ya gabatarwa Sulaiman ruwa da lemo sannan ya zauna suka sake sabuwar gaisuwar yaushe rabo.
Jikin Sulaiman a sanyaye yake amsawa don halin da ya tarar da kanwarsa ya yi awon gaba da dukkan kuzarin da ya shigo da shi.
Ya kasa jurewa ya ce "Ranka ya dade na ga gidan naku babu lafiya, gabad'aya na shiga rud'ani".
Mai shari'a ya muskuta ya ce "Ai rufin asirinta daya da Allah ya turo ka a daidai wannan lokacin. Ba dan haka ba yau tabbas sai sun bar mini gida da ita wadannan yaran guda biya.".
Sulaiman ya sake rikicewa.
Murya na rawa ya ce "Subhannallah abu bai yi dad'i ba ranka ya dade. Lamarin mata ai hak'uri ne kawai, duk girmansu idan suka yi wani Abu sai a tamkar yara kananu da basu san komai ba. Ka ƙara hak'uri ai ba zaka biye mata ba. Ko ni nawa nake a gabanka bare ita yarinya ce ai".
Mai shari'a ya ce "Dr ba wani yarinta ina ce Ga y'arta nan da ace tana kammala sakandire aka aka yi aurenta da tuni tana da jikoki ai kuwa ba maganar yarinta iyashege ne kawai da shakiyanci a wajen Hamida.
Kuma tabbas ta kai ni bango. Nauyin iyayenku nake ji amma tunda ita ta riga ta kwashe kayanta a gaban ma'aiki to zan gwada Mata karshen iyashege."
Sulaiman dai hak'uri yake b shi don ya lura ya yi fishi mai tsananin gaske alhalin Shi mutum.neai hak'uri sosia.marar hayaniya.
A nutse Sulaiman ya sake cewa "Ka yi hakuri zata gyara in sha Allah".
Ya numfasa ya ce "Tunda ta fad'a mini Anisa ta samu matsala da mijinta ta zo zata zauna a nan".
Ban boye Mata ba, na ce Mata a a tunda Baba Babba da ransa ga su Asad gunsu yafi cancantar ta tafi daga Nan ma Sai Su samu gangara Su dinga zuwa komai ya wuce. Ido da ido ta ce mini ba zai yiwu ba, gidana da dai ba zata zo ba tunda bana son a zo a co arziki. A gabana ta yi waya da Anisa ta ce ta zo Kano ta je gidan kawarta da yamma ta shiga jirgi ta tafi Maiduguri. Hakan Kuma aka yi.
Dama Kuma haushinta nake ji ta riga ta bata yaran nan, basa ganin mutunci y'anuwana, kullum fad'a musu take yi basa sonta. Ace yayata ta zo gidan nan ya'yana suka kasa zuwa su gaishe ta? Kuma tana kallonsu. To ni ba zata mini wnanan BAK'AR TA'ADA din ba, Babu dole. Kuma abin kaicon ma ita da kanta fa ta yi sanadin da y'ay'an basa ganin girmanta. Bata isa ta ce ku yi ko ku bari ba. Idan ka ji su lafiya to ita take bin ra'ayinsu. Matuƙar zata ce ba za su yi yadda suke so ba, to kuwa yanzu zaka ji suna cacar baki a tsakaninsu. To gaskiya na gaji, ta kwashesu su tafi inda zasu je tunda ita ta bata su, na gaji da wulakancin da rashin iya bada tarbiyarta. Save Restricted Content Bot, [Oct 31, 2025 at 12:11]
Ga k'ananun yaran ma sun fara d'aukar samfur."
Gabad'aya Sulaiman ya rasa abin cewa don kuwa al'amarin akwai tayar da hankali.
Kan dole ya shiga ba shi hak'uri tare da alak'awarin zai ja mata kunne, zata gyara.
Nauyin Sulaiman ne ya sanya shi hak'ura. Amma da babbar murya ya ce "Ka ja mata kunne, ka gargadeta ta kure hak'urina. Dole ne y'anuwana su zo gidana. Dole kuma ya'yana su mutuntasu, ta shiga hankalinta dan Wallahi a yadda suka kawo mini wuya zan iya bar mata su gabad'aya!
Save Restricted Content Bot, [Nov 3, 2025 at 13:03]
*DINGISHIN KWADO*
*08032773332*.

Daga haka ya mike ya ce "Dama fita zan yi."
Sulaiman ya mike yana masa godiya ya taka masa zuwa waje.
Ya shiga mota direbansa ya ja suka fice.
A tunzure Sulaiman ya shiga ya sameta.
Komawa ya yi Sulaiman din da mai cike da zafin kai. Don ashariya ya danna mata tafi goma. Ya gama zage ta sannan ya moma kan y'ay'anta suma ya dinga maka musu.
Gabad'ayansu sun yi tsamo tsamo don kuwa suna yara sun san baya wasa da su.
Hamida kuka kawai take yi. Don gorin da mijinta ya yi mata na bata zaune lafiya da y'anuwanta da wan mahaifinta da ahalinsa ba shine lasisin da zata yi gaba ko ta saka ya'yanasa gaba da y'anuwansa ba. Kuma yayar tasa da suke uba d'aya tabbas bata sonta akilo take yi ma ya k'ara aure. Amma ya kafe dole ta bita tunda ba shi da uwa ba shi da uba kuma ita ce ba lbbarsu a lokacin da ya yi karatu haka ta dinga siyar da kayan d'akinta tana ba shi kud'i yana hidimar makaranta. Shi kuwa ba yadda za'a yi a shata mata layi a gidansa ko a kan y'ay'ansa. Itama Idan ta ga ba zata iya girmamata ba to kawai ta yi gaba shi bai saba ganin gaba irin tata ba.
Kukan da take yi bana korar da ya yi niyyar yi musu ba ne. A a gorin tana gaba da Baba Babba da su oga Asad ne yake saka ta kuka mai gigitarwa.
Ga Sulaiman din da suke nema ruwa a jallo ya zo gidanta ya tarar da bak'incikin da ya yi sanadin a gaban y'ay'anta yake mata cin mutunci.
Tsawon lokaci kafin ya daina cin mutuncinsu.
A sanyaye Ummu da ita ce babba ta ce "Ka yi hak'uri uncle zamu gyara."
A kufule ya ce "Kada ma ku gyara. Ai ni kam kun ba ni kunya ace wai kuna iya zagin uwarku, tana fad'a kuna fad'a, bata isa ku bita ba, sai dai ta biku?"
Hamida ta sake rushewa da kuka don al'amarin da yake matuƙar gigita ta kenan. Amma ita bata gano sakacinta da matsanancitar soyayyar da take gwada musu na kan gaba wajen halin da suke ciki, sai kawai take ganin saka mata hannu dangin miji suka yi don basa sonta.
Baffa mai bin Ummu kansa na k'asa Sulaiman ya ce "Kai zo nan".
Da sauri ya isa kusa da shi ya tsugunna. Ya ce "Dago fuskrua ba ga ni?"
Ya dago a tsorace Sulaiman ya zuba masa ido ainun cikin nazari.
Kafin ya ce "Shaye Shaye kake yi sha ko?"
Da sauri ya ce "Uncle wallahu bana sha!
Hamida ta sake kecewa da kukan bak'in ciki don kuwa tabbas yana sha.
Sulaiman ya ce "Kana fad'a mini baka sha ko?"
Gobe da kaina zan kaika wajen Ansari su auna mini kai. Idan suak gano kana sha da kansu Kuma. To zan barka a gidansa ya ci uwarka da kyau".
Hankali ln yaron ya tashi ya ce "Wallahi uncle last month na fara shan shisha, wiwi kam shekaranjiya ne kawai. Kuma Babanmu ya fad'a mini idan na cigaba da sha zai kori ni. Wallahi yau kwana biyar ban sha ba, dan allaj5ka yi hak'uri na daina na a kuma taya ni addu'a.
Zuciyar Sulaiman ta karye. Ya rasa mai zai ce. Tabbas matasa sun jefa kansu cikin gararrin Shaye Shaye. Tarbiya ta shiga cikin halin ni y'asu. Wasu laifin iyaye ne yayin da wasu iyayen sun yi iya bakin k'ok'arinsu y'ay'an ne suka bijire suka tankwabar da kyawawan dabiun da ake dorasu a kai. A fili ya ce "Allah ya shirye ka, ya shirya na dukkan y'ay'an alummar Annabi da suka karkace.
Ya kalli Ummu ya ce 'Ke kuma sai kika zabi ki ta cin mutuncin uwarki saboda kina son aure ko? To dan kan uwarki kin kawo mijin ne aka k'i yi miki? Da bakina zan faɗawa Babanki a katse karatun da kike yi tunda ba na hankali da nutsuwa kike yi ba, na raini da rashin d'a'a ne. Ban da haka kamar ki ace ki tisa uwarki a gaba saboda kina ganin kin kamo ta girma!
Da kuka sosia take bada hak'uri. Don ga ni take yi kafin ya bar gidan zai iya zaneta. Tunda mamansu ma an mata ashariya kalakala.

Sai da ya wanke su tas sannan ya sallame Su tare da gargadin ya dawo Kano gabad'aya. Kada Su fasa rashin tarbiya da cin mutuncin uwarsu da yan uwan ubansu.
Suna fita ya kalli Hamida da take kuka tamkar ta fito da zuciyarta. Save Restricted Content Bot, [Nov 3, 2025 at 13:06]
Ya tausasa harshe ya ce "Hamida" .
Ta kasa amsawa don kuwa kukan da take yi mai nauyi ne ainun.
Ya yi shiru yana kallonta amma zuciyarsa tamkar ya rushe da kukan shima don zuciyarsa ta yi masa nau yi k'warai da gaske.
Tausayinta ya mamaye takaicinta.
Ya zuba mata ido yana ganin kammanin Maminsu sak a tare da ita. Dama ita kam komai na uwarsu ne hatta tafiyarsu iri daya ce.
Ba yaudari kansa ba har halayyar ta kwashe. Don kuwa suma sun rayu ne tana fad'a musu y'anuwanta da y'anuwan Babansu basa sonta.
Ya nisa ya ce "Kukan ya isa y'aruwata, share hawayenki ko kowa baya sonki, ai kinsan lina da ni, ba wanda nake so kaf cikinku irinki. Ni na saki nono kika kama. Ki yi hakuri".
Nan da nan kuwa ta share hawayenta. Idonsa ya ciko da k'walla. Haka MAMI take yi Idan ta zaunar da Shi tana fad'a masa mutanen da suke kewaye da ita basa sonta duk munafukanta ne. Da zarar ya ce mata mu muna sonki MAMI. Irin son da zamu sadaukar miki da komai. Nan da nan sai ta wartsake su yi hirar arziki. Amma idan ya yi mata nasiha tare da fad'in ta daina damuwa irin haka ai sai ta harzuk'a ta hau fadan baya kishinta tunda baya sonta daga nan zaman ya watse. Amma da ya fahimci rarrashi da zuga take so sai yake yi mata hakan cikin siyasa, ya samu su rabu k'alau.
To yau ha Hamida ma ta nuna masa haka take..

Ta mike ta shiga kicin ta hado masa abinci.
Yana ci suna hira ya bata labarin komai har zamansa a gidan yari don yasan ba zata fad'a ba.
Cikin dabara ya ce "Zan dai hutar da ke gorin mijinki na kina gaba da Baba. Zan zo da kaina na tafi dake ki gaida Baba gobe kuma sai ya samu wani abin fad'a.
Amma lallai ki shiga hankalinki, idan kika yiwa kanki sanadin da aurenki ya k'are za ki shiga garari mai yawa. Mijinki mutumin kirki ne, mai addinine to ki yi maza ki gyara tun ba ki janyowa kanki sanadin wahala ba. Duk son da nake yi miki ba zan iya cike miki gurbinsa ba. Idan kin yarda da maganata idan ya dawo ki ba shi hak'uri, ki gyara mu'amalarki da y'anuwansa, ki kuma gyara kuskuren da kike yi akan tarbiyar yara".
A sanyaye ta ce "To."
Ya kalle ta ya ce nan da sati biyu zan n koma Abuja tare da ku zamu tafi gabad'aya.".
Ga mamakinsa ya ji ta ce "To".
Wani abu ya tsirga masa don ya yi zaton sai ya kai ruwa rana da ita kafin ta amince don kuwa ita din kafaffiya ce ta gaske.
Amma tunda ta amince to kowa ma zai amince babu dogon turanci, don ita da Ansari shawararsu d'aya sune kuma yake fargaba akansu.
Hamida da Ansari sune sak MAMI kuma sune aminanta. Saddiqa bata da wata matsala.
Anisa kuwa ra'ayin Hamida take bi akan komai bisa hujjar ita ce babbarsu, to itace uwarta a yanzu. Shiyasa da ta ce mata ta tafi Maiduguri ta tafi babu musu.
Daidai lokacin ya k'ira abokinsa akan ya zo ya d'auke shi.
Ya dinga yi mata nasiha tare da rarrashi.
Har abokin nasa ya iso ya mata sallama akan zai dawo, amma gobe sammako zai yi zuwa Funtua, kafin ya fara hidimar ayyukan asibiti.
Bak'in ciki ya hanata yin magana amma da tambaye shi me zai yi a wannan garin?
Da abokinsa ya dauke shi bai zame ko ina ba, sai office din Julius Berger.
Ya gama tattaunawa da su, suka yi gobe zasu tafi Funtua da wakilansu.
Washegari sassafe kuwa suka tafi a motar kamfanin.
Kaitsaye gidansu da yake a garkame suka isa.
Ba maganar neman makulli. Don haka aka yanke Shi.
Gabad'aya k'ura da karashiya shin yiwa gidan k'awanya sosai.
Sashin Baba Babba suka fara shiga kujeru da abubuwan bukata duk suna nan Sai dai kam ba ko dad'in kallo a dalilin yadda suka dade a haka.
Suka shiga d'akinsu Abida Hatta gadajensu uku duk suna ciki.
Ya daure suka Ga ko Ina a Shashi sannan suka wuce zuwa sashin MAMI.
Nan kam ba kaya tunda komai nata sun sun bayar, wasu sun sadakar wasu kuma k'annensa mata sun dauka.
A yanzu b'angaren MAMI zaman Ansari yake yi.
Shima suka duba suka yi aune aunensu.
Suka isa shashin yan aiki.
Shashinsa ne na k'arshe. Save Restricted Content Bot, [Nov 3, 2025 at 13:08]
Shima komai na nan.
Kurace dai kawia ta lullube komai.
Amma har kayan Abida na wadrof duk suna nan da akwatinanta.
Ba wani gyara ne sosai a nasa b'angaren ba, a dalilin lokacin aurensu Sai da aka canja fasalin ganin ya banbanta da na su Baba.
Suka gama ganin ko ina suka fito harabar suka tsaya.
Sulaiman idanuwansa sun cika da k'walla a dalilin memory dim da suka shud'e Yana ta dawo masa.
Wai gidansu ne ya zama kufai, gidansune ya zama matattarar tururura da kwazazzabai da karashiyoyi.
Hawaye ya k'wace masa.
Ma'aikatan jikinsu ya yi sanyi don kuwa Su kansu yadda suka ga girman gidan da kuma alamun da an yi rayuwa a cikinsa Sai suka tausaya masa a dalilin sun yi tunanin ko duk iyalin sun rasu ne.
Suka gama ya rufe gidan da Sabon kwadon.
Tare da su suka rankaya gidan sarki.
Ya yi gaisuwa tare da sanarwar ya dawo, a kuma kowanne lokaci zai iya buk'atar Ladi farm.
Mai girma hakimi ya tabbatar masa babu damuwa ko yanzu idan yanzu so zai ba shi.
Suka yi sallama suka fito suka d'auki hanyar Kano.
Bai bar office din ba sai da ya cake musu milyoyin kudin da suka caje shi akan gyara da canja fasalin gidansu gabad'aya da yake su yi masa cikin k'ank'anin lokaci.
Duk da milyoyin kudine masu yawa haka ya musu transfer ta dala account d'insa.
Daga nan ya wuce zuwa gidan Hamida.
Anan ya ci abincin dare.
Bai fad'a mata kudirinsa ba.
Daga nan ya shiga aiki a asibiti ka'in da na'in.
Satinsa guda bai ga k'iran wayar Abida a wayarsa ba.
Abin na mintsininsa sosai, sai dai matsanancin ayyuka da matsalolin da suka dabaibaye shi ya sanya shi mantawa da wannan matsalar.
Sati biyu ya kammala contract din asibitin.
Ya samu kuɗadensa.
Ya koma Funtua ya tarar an kammala gyara shashinsa kamar yadda ya bukat su fara da nan.
An wanke shi tas.
Ya fito ya dawo tamkar yanzu aka gina.
Kayan Abida da aka yi mata masu k'arshen tsada ba abin da suka yi.
Amma ya tarkata su bayan ya k'ira kafinta ya kunce ya goge Su.
D'iyar goggonsu ya kaiwa wacce da babarta da su Baba babba ubansu d'aya.
Ta dinga yi masa godiya da fatan alheri.
Ya tarar duk goggonin nasu sun rasu.
Zuciyarsa ta harba. Ko ya ya y'anuwa Maminsu?
Take ya wuce ainihin gidansu ya gaida yayyenta da kanneta da suke rayuwa a cikin gidan.
Ya yi musu alheri suna ta yi masa nasiha tare da fad'an ya yi wauta da ya tsallake ya bar y'anuwansa da danginsa tsawon lokaci.
Kawu Bala da suke daki d'aya da mami ya tambaye shi akan Ko ya je ya gaida Alhaji Babba?"
Sulaiman da k'warin guiwar ya ce" A wajensa ma na sauka".
Dad'i ya kama dattijon ya dinga yi masa addu'a tare da ba shi umarnin lallai ya dinga saka y'anuwasa akan hanya. Bilki ce kawai take yi musu waya har ma da aiken kayan abinci da kud'i, sai kuma Ansari da Shima yake kamantawa. Amma sauran kam ko gaisuwar wayar ma ta gagara.
Haka Sulaiman ya tafi cikin murnar sa'ar da ya yi ba wanda ya mutu a cikinsu