You Cannot Download this book untill you login but you can read it .

---

Login Register

gangancin sauya halittarki don kawai ki burge Rijalu. Duk yadda kike ba zai hana su so wata ba, sai dai idan k'addararsu ce zama da mace d'aya.
Ni kuwa an fahimci wanda ma ya k'ara auro wata macen ya kawo ta gidansa yafi mutunci da kiyaye ka'idojojin shari'a akan mai zuwa yana yi miki tsome tsomen jijiyar nan da ake so da wasu matan banzan bila adadin?
Mu yi ibada, mu yi biayyyar aure, mu kula da tarbiyar yara, sai kuma mu k'ulla soyayya mai yawa da neman kud'i na halali.
Idan kuma kin bijire, kin kafe kin fi k'ulla soyayyar rijalu a ranki to fa ki sani at your own risk.
I come in peace my fans. 😅😅
Sati guda kenan da hidimar suna da murnar k'arin girma da ƙarin shekarun Oga Asad. Wanda ya yi daidai da wata guda da isowar tagwaye wannan duniyar mai cike da hargitsi.
Zuwa lokacin sun yi girma kammaninsu da juna sun sake bayyana.
Bilki kanta ta girgije ta yi kyau, tamkar ba mai shayar da yara biyu ba.
Alti na nan tana kula da ita da cima iri iri.
Komai suke bukata ga shi nan birjik tamkar banza.
Amma wata k'addara kuma zuciyarta ta kasa nutsuwa. Rashin zuwan y'anuwanta gidanta tare da korar Farha da oga Asad ya yi ya kasa barin zuciyarta. Ga shi ya dawo da ita amma abin na mintsininta tana ganin yarinyar bata da security a kowanne lokaci zai iya cewa ta bar masa gidansa tunda dai d'iyar Sulaiman ce. Ta kasa faɗawa Abida, ta kasa faɗawa Basma. Ta kasa faɗawa Yaya Hamida. Shiyasa abin yake cinta matuk'a da gaske.
Ta kuma kasa sakewa da shi duk k'ok'arin da yake yi mata kan jiki kan k'arfi.
Yayin da shi kuma yake zargin y'anuwanta ne suke zugata tunda a bayyane sun fahimtar da shi basa sonsa da gaske.
Don haka shima ya fara zuba mata ido tare da rungumar shariyar da take yi masa.
Gabad'aya ya zama desperate. Idan ya fita ayyuka ne a birjik a sabon office d'insa, idan ya dawo gida babu walwala.
Ga batun tafiyarsu Baba umrah, don ma ya barwa Faruk shige da ficen neman visa da sauransu.

Shirye shiryen tafiya umrah ya kankama.
Ranar ake jira kawai.
Ranar lahadi da yamma Abida ta isa gidan Bilki. Sun gaisa da Alti ta fice ta basu guri bayan ta turo Saudatu da abin motsa baki da kayan ruwa. Tana cikin sabbin maiakataj da aka kawo. Yarinya ce da bata wuce shekaru sha biyar ba.
Bayan yarinyar ta fita suka gaisa. Abida na kare mata kallo ta ce "Kin yi kyau kin sake fari amma kin rame fa uwar Farha".
Bilki ta ce "Wataƙila shayar da yaran nan ne amma lafiyata k'alau".
Ta numfasa ta ce "Nasan zuwa yanzu kin fara sallah zuwa na yi mu fara wuridin nan akan wanccan mutumin Bilki". Save Restricted Content Bot, [Oct 13, 2025 at 11:47]
Bilki ta yi murmushi ta ce "To Abida ai bamu samu sharadin da k'aidar ta cika ba. Iya kakanmu na uku muka san sunansa. Ko kin tambayi Baban ne?"
Ta girgiza kai ta ce na dai gano yanzu zuwa na hud'u mu fara a hakan zuwa gaba idan Baba ya samu lafiya ko da a Saudi ne sai na tambaye shi. Idan ya fad'a mini sai na fad'a miki ke ma".
Bilki ta ce "Hakan ya yi Dr bari na doro alwallah mu fara".
Abida ta ce "To don ni da alwallahta".

Bata jima ba, ta fito da alwallarta. Ta ce "Tuna mini ma abin da zamu karanta. Ta fad'a mata sannan ta bude jaka ta fito da jotter ɗinta tana nunawa Bilki ta ce duba ki karanta dan ki rike".
Bilki ta ga an rubuta Sulaiman bin Isa, bin Garba, bin Bello bin Uzairu".
Dariya ta k'wace mata ta gaske ta ce "Abida a ina kika samo mana Uzairu ne?"
Ba wasa a fuskarta ta ce "Wallahi ba wasa Uzairu ne ya haifi Bello. Yanzu sunan uban Uzairu da kakansa ne ya rage sharadin ya cika. Da mu larabawa ne sunan ubanka na dari ma ba zai zama abin wahalar samuwa ba bare ubanka na bakwai kai Hausawa basa rik'e nasabarsu da kyau".
Bilki ta guntse baki.
Har ta yi shiru sai kuma ta ce "Ko dan irin haka kuwa ai ya kamata a dinga kiyayewa."
Daga haka Abida ta bude ledar da ta shigo da ita ta fito da wani irin rafkeken carbi ta fara ja.
Dariya kara kubucewa Bilki tana ayyana tsananin ya kai tsananin a wajen Abidan Baba don kuwa ba dan da idonta ta ganta da wannan carbin da ya kai guda dubu goma ba, zata yi musun idan ance Abida zata kalle shi.
Wato daukarsu ma kad'ai jidali ne. Amma Abida ta kinkimo ta zo da shi. Asalifa Abida na cikin jerin mutanen da suke bin mazahabar da basu yarda da jan carbi ba kwata kwata.
Dariyar da take yi bai saka Abida ajiye carbinta ba, illa iyaka ta tsume ta shiga jansa da dukkan zuciyarta.
Ganin hakan da Bilki ta yi ya sanya ta yi maza ta had'iye dariyar ta mike ta saka hijab sannan ta dauko counter dinta da fara wuridin kiranyen mijin Abida.
Sai daf da magharib suka kammala. Abida ta ce "Gobe a gida zan yi. Idan zan fara zan k'ira ki ke ma ki fara. Da ni yake zancen. Duk inda yake a duniya sai wannan addu'ar ta susuta shi ya dawo da kansa".
Bilki ta ce "Allah ya amsa Abida, Allah ya kawo mana shi lafiya".
Daga haka ta rakata zuwa kasa ta tafi da ledar carbinta ta shiga tsaleliyar motarta irin ta Bilkin da bata jima da isowa ba.
Ranar tafiya da safe Abida ta kawowa Bilki junior. Idanuwanta kozai kozai tabbacin kukan rabuwa da shi ta yi. Bilki ta daure bata ce komai ba ta karba. Sai dai tun tana gidan ta rik'e hannunsa suka hau saman Dady. Yana fad'in "Mahmah Ammi ta ce "Zan dinga kwana a nan tare da su Farha da Noor".
Da murmushi ta ce "Haka kuwa junior amma fa idan ka yi kuka to ba zasu yarda su yi wasa da kai ba bare su barka ka je d'akinsu."
"Idan na yi kuka twins ne friends dina?"
Bilki ta ce "Sune kuwa tunda sune masu kukan banza".
Ya make kafaɗarsa tare da fad'in "Ba zan yi kuka ba Mahmah ".
Daidai lokacin suka isa falonsa. Yana zaune daga shi sai singileti fara kal da boxer. Yana ganin junior ya mik'a masa hannu Yana fad'in young police come closer".
Junior ya saki hannun Bilki ya isa gunsa. Ya yi saluting d'insa. Oga Asad ya murmusa ya shafa kansa ya ce "Magajin Dady how far, ina momi ina Ammi?"
Momi na gida, Ammi kuma na d'akin Mahmah".
Bilki ta ce "kawo shi aka yi ya zauna kafin su dawo daga umrah". To bana son sai ta tafi ka ce ba zai zauna maka a gida ba".
Ya hassala ya kalli junior ya ce "Je wajen Ammi muna zuwa."
Yaro ya juya ya tafi bayan ya sake saluting oga Asad.
Ya mike tsaye ya nunata da yatsa ya ce "Billahillazi a wannan yanayin da nake ciki idan kika nemi tayar mini da hankali sai na miki cin mutunci. To idan na ce ba zai zauna din ba sai ya ya?Wacce bata barin abu ya wuce cikin dad'in rai. Sai anyi tsiya tsiya. Yaune last time da zaki mini irin wannan rainin ki fita a idona. Haba a yi mace da taurin zuciya ba ki iya komai ba sai rik'o da kullaci ba wani alherin da zan samu daga gare ki sai da b'acin rai, ni ba haka na saba ba, komai matata da girmamawa take yi mini sannan bata iya fishi da ni ya zarce na kwana da yini, amma ke zuciyarki bata da kyau saboda kina da wata Save Restricted Content Bot, [Oct 13, 2025 at 11:51]
manufar da kika boye a ranki. Bilki! Bilki! Bilki! Billahillazi ki kiyaye ni." Hawaye ya k'wace mata mussaman da ta ga tafkeken frame irin window size din nan mai d'auke da hotonsa da maimurabus dukkansu sanye cikin k'ananun kaya ya rungumota ta baya fuskarsu da murmushi. Ba a k'asar nan suka yi hoton ba tabbas. Ita sun yi hotuna kala kala a America da London amma kusan shekara bai sa an yi frame don ya saka a wajensa ba tabbacin ba sonta yake yi ba tunda gashinan ya girke na wacce yake so.
Da muryar kuka ta ce "Ni ce ba ni da alheri ko Baban Bilkisu?"
Ido cikin ido ya ce "Fad'a mini alherin da kika yi mini don ni ban san shi ba".
Ta jijjiga kai ta ce "Shikenan! Ta juya ta fice.

2ga watan 9 jirgin suka shiga Saudi Airlines ya tashi da su.
Kaitsaye a Madina suka yada zango. Dukkansu sun sauka da farinciki da walwala. Da yake shigar dare suka yi kaitsaye masauki suka isa wanda yake makwabtaka da babban masallacin Arrasool(S.W.A).
Da asuba suka tafi masallaci. Bayan an idar da sallah sun yi addu'o'i sannan suka isa wajen ziyarar Annabi da sahabbansa. Suka shiga rauda. Baba Babba duk da yana cikin yanayi na rashin sukuni sai da nutsuwar zuciya ta same shi. Haka ma momi haske da farinciki ya cikasu. Ba inda ya kai Madina sauakr da walwala da annushuwa a zuciyar musulmai mussaman ace ka shiga babban masallaci sai ka ji ka manta komai da kowa saboda tsananin farinciki da k'aruwar imani.
Basu bar masallacin ba sai da aka fara kokarin za'a rufe sannan suka koma masaukinsu suka fara barcin gajiya.
Kwanaki biyar suka yi a madina sannan suka shiga mota zuwa Makka. Kullum Sai ta yi wuridin kiranyen Sulaiman a wannan masallaci mai alfarma tana Kuma gasgata addu'ar zata karɓu tunda ba shirka take yi ba.
A daren da suka shiga Makka a daren suka sauke Umrah. A wannan lokacin ma sai da rafkawa Malam Sule kiranye. Kullum kuma ta what'sapp sai ta ce da Bilki kina yin wuridin nan kuwa?"
Ita dai Bilki dariya take yi tare da madaukakin mamaki don Har zuciyarta mamakin Abida take yi k'warai da gaske.
Tun washegari Abida da Yaya Farouk suka fara fita zuwa asibitin Saudi-Germany dan sanin tsare tsarensu na ganin likita.
Kwana biyu suka yi suna jele sannan aka basu ranar da zasu ga likita.
Kwanaki uku masu zuwa.
Washegari sun je Harami suna d'awafi kamar an ce wa Farouk juya sai kawai ya hango wani tamkar Sulaiman ya kammala dawafi ya fice da sauri. Nan da nan ya burzana ya bishi sai dai shige da ficen mutane a wannan wajen ya sanya ya bace masa b'at.
Ya rasa k'ofar da zai bi ya gan shi don kuwa zuciyarsa tana bugawa da k'arfin gaske tabbas da ba Sulaiman ba ne ba zai ji irin wannan bugun zuciyar ba.
Kan dole ya juyo ya dawo tare da adduar Ubangiji ya k'addara wahalarsu ta sanin yana raye ko a mace ne ta zo k'arshe.
Sai dai me? Abida ya tarar a gefe tana tsaye ta kasa cigaba da yin d'awafin. Da azama ya isa kusa da ita yana fad'in "Menene?"
Hawayen da ta goge ya sake k'wace mata. A sanyaye ta ce "Na rantse na ga Yaya Sulaiman yanzun nan".

Da hanzari ya ce "Wallahi nima na gan shi, shi na bi fitar nan da na yi, amma ya bace mini kamar kibau . Share hawayenki kada Baba ya ga kina kuka ya tambayi
ba'asi. Ko Momi kada ki faɗawa mun gan shi. Idan ba haka ba, Baba zai rikice ne sosai."
Yana rufe baki kukan ya k'wace mata tana fadin "Mun had'a ido da shi fa Yaya Farouk. Ganin na gan shi shine ya zabura ya fice. Ni ina nan ina ta yi masa addu'ar Rahma idan mutuwa ce ta sure shi, idan kuma a raye yake Allah ya tsare shi ya bayyana shi, ya yaye masa dukkan kuncin rayuwa. Ashe shi baya ko k'aunar ganina?"
Yaya Farouk ya ce "Na ce ki yi shiru ko. Tunda yana Makka idan Allah ya amince ba zamu bar garin ba sai mun sake had'uwa. Ai gamu a guri mai alfarma. Mu dage da addua. Na yi imanin tasirin addu'ar da muke yi ya sanya muka gan shi da idanuwanmu ai da bamu da tabbacin yana mace ko yana raye ma."
Da k'yar ya shawo kanta ta nutsu. A ransa sai mamakin yadda ta rikice sosai yake yi. Ko da yake mijinta ne uban d'anta. Save Restricted Content Bot, [Oct 13, 2025 at 11:54]
Har suka dawo gida Abida bata da kuzari duk wata jarumtarta ta nema ta rasa. Haka suka koma hotel dinsu momi na tambayar ta dalilin sauyin nata. Baba ya ce "Ah kya tambaye ta dalili, bayan dalilin a bayyane yake tunda ta baro Sulaiman junior ai kinsan ba lafiya."
Momi kuwa ta hau kai ta zauna ta dinga yi mata fadan ta rage ƙulafuncinsa. "Me zai same shi? Yaro yana ta harkokinsa amma ke kin takure zuciyarki haba me za'a yi ne da rashin kawaicinki akan yaron nan."
Kan dole ta yi shiru aka tafi a haka.
Amma gabad'aya nutsuwar zuciya ta yi mata tutsu. Yaya Farouk kadai yasan damuwarta duk da shima a rikicen yake.
Washegari tun safe Abida ta tafi masallaci bata koma ba sai yamma bata ga wanda ta je nema ba.
Haka ta daure don gobe ne zasu je asibiti.
Washegari sai dare suka je asibitin. Aka fara yiwa Baba gwaje gwaje da na'urori daban daban. Har asuba suna asibitin. Wajen takwas suka koma hotel dinsu akan da daddare zasu koma asibitin sannan dukkan sakamakon gwajin sun bayyana. Abida da Baba suna zaune gaban likita yayin da Momi da Yaya Farouk suke waje suna dakonsu.
Komai na baba na tafiya daidai Sai dai dole zai dauwama yana shan maganin hawan jini. Sai kuma idonsa d'aya da dole sai an masa aiki an cire hakiyar da take son mamaye idon . Dan haka likitan ya ce su je b'angaren ido su ga likita sannan a basu ranar da za'a yi aikin.
Likitan ya yaba da hazak'ar Abida har yana mata tayin zai bata takarda ta cike zasu debi likitoci mata a bangaren gynecologist. Don sosai ya gane hazik'ar likita ce.
Ta yi godiya tare da gabatar da uzzirin k'asarta Nigeria na bukatar irinta.
A hanyarsu ta komawa gida suna cikin mota momi ta ce "Ni kam ba dan za'a ce gizo idona ya yi mini ba da na ce tabbas na ga Sulaiman."
Abida ta yi fit ta ce "A ina kika gan shi?"
Momi ta bata amsa da fad'in a asibitin amma shi bai ganni ba, don nima bayansa na ga ni yana sanye da rigar likitoci yana tafiya da sauri gilmawarsa na ga ni, da farko kamar yayanku(Asad). Kunsan tafiyarsu iri d'aya ce, sai kuma na ga gefen fuskarsa kafin na ankara ya b'ace mini, lokacin Farouk ya je siyo magani ke kuma kin koma ofishin likita d'auko gilashinki".
Baba ya ce "Sulaiman nawa kike magana?"
Momi ta ce "Shi fa Alhaji!
Ya ce "Ai kuwa idan har shine k'afata k'afarsa da shi zamu koma gida."
Abida tana son ta ce suma sun gan shi amma tunda bata ji Yaya Farouk ya ce ya gan shi ba, ta daure ta yi shiru.
Hankalinta ya tashi ainun domin a yanzu take dandana azabar soyayya da alamu shi kuma ya shafe ta tunda ya ganta amma ya arce saboda baya ko son ganinta.
"Farouku ka k'ira yayanku ya tuntubi abokin nasa da yake aiki a asibitin nan a bincika mana idan Sulaiman Isa Funtua a asibitin yake aiki yasan yadda zai yi ya kawo mini shi gabana".
Baba Babba ya fadi hakan cikin sigar umarni.

*Mai fitarwa kudin mutum daya ta ba ni, don haka iya kanta ta siyawa Duk wacce ta karanta ba tare da ts biya hakkkn wahalar rubutu ba, to Ina binta ba Shi, Mai tsoron Allah kad'ai ke jin tsoron hakkkn wani a kansa*
*Dingishin KWAD'O*

Cike da nutsuwa Yaya Farouk ya ce "To Baba".
Yayin da d'adi ya kama Abida ta samu nutsuwa sosai don a yanzu bata da matsala a duniya irin ta Sulaiman. Bata taɓa hararo zai iya tsallakewa ya barta shekaru uku babu waiwaiye ba.
Ya bace bat don kusan kullum sai ta duba dukkan handles d'insa na media amma ba alamun yana amfani da su. Dama kuma shi bai damu da su ba. Twitter yake yi to account d'insa da ta sani ta tura sak'o ya kai sau hamsin amma babu reply ko d'aya.
Da yamma suka tafi asibitin za'a yi masa wata allura a idon sannan bayan awa uku sai a shiga da shi tiyata.
Abida da Farouk sun je sun biya kud'i. Yayin da Baba da Momi suke d'akin da aka kwantar da shi. Suna tafe suna hira Yaya Farouk ya ce "Ta je bari ya siyowa Baba laban a store din waje tunda idan anyi aikin ba zai ci abincin da za'a tauna ba. Save Restricted Content Bot, [Oct 13, 2025 at 11:56]
Kamar ta bishi sai kuma ta fasa ta ce "Sai ka dawo, idan ka ga gashasshen kifi zan ci".
Ya ce "Anya kinsan yawanci sai dare suka fi hada hada, amma zan duba miki, idan ban samu ba sai na siyo miki da daddare."
Ta ce "Na gode ".
Tana shan kwana ta shiga wani korido kawai suka yi kicibus. Had'uwa ta gaba da gaba idanuwansa suka fad'a cikin nata. Ya maze ya dauke kai, ya yi wura Save Restricted Content Bot, [Oct 13, 2025 at 11:58]
wura ya rasa yadda zai yi.
Ai kafin ta ankara ya juya da mugun sauri ya yi waje ba tare da ta ankara ba..

*Gunis hijab ba na biyunta wajen kawo hijaban da suke da kyau da nagartar.*
*Gunis hijab ado cikin wayewar addini da rayuwa*
*08163761797*
*Surayya Gwaram*
*Wannan littafin na kudine*
*Pay 1k via 2384876855*
*Surayya Ibrahim*
*Zenith Bank*.
08032773332.
*Don samun damar karantawa cikin aminci a telegram*.


*Teemah data service mtn monthly*
*1gb @550*
*2gb @950*
*3gb @1450*
*5gb @1700*
*Dm 08112392177*
*Call 8037026306 Fatima Musa Ibrahim opay*

*For your beautiful kids wears:tees,shorts,trousers,dresses,kids towels, perfumes,body mist contact 08067239846*

A guje ta bi shi tana ayyana yau duk bala'insa ba zata ba'ri ya sake tserewa ba.
Ganin da gaske yake ya sanya ta k'ara gudun da take yi, ta isa gare shi, bata jira komai ba ta sanya dukkan hannuwanta tare da tattaro dukkan k'arfinta ta cakume shi. Ya yi iya k'ok'arinsa ya fizge amma ya kasa don idan ya ce zai fincike ta k'arfi to sai dai ya wancakalar da ita, bai san kuma a yadda zata fadi ba.
Dan haka ya dinga kokarin banbare hannunwanta a jikinsa tun ba'a ankara da su an baibayesu ba. Ya kuma tabbatar kyamarorin asibitin suna ɗaukarsu.
Da k'yar ya bude baki murya ba amo ya ce ",Wanne irin wulakanci kika shiryo mini haka? Akan me za ki karya mini darajata akan titi, me na yi miki, wace ce ke?"
Mamakinsa ya shak'e Abida. Ta kasa ce masa komai amma ta k'udire ba zata bari ya tafi ba har sai Baba Babba ya gan shi.

Ya ce "Sake ni tun ban miki sanadin da za ki tozarta ba."
Ta d'auke kai ta ce "Ba wani tozarcin da zaka yi da zai fi wanda ka yi mini. Ka tafi ka bar ni da aurenka a kaina shekaru hudu babu waiwaiye, kuma ba wanda yasan inda ka ke, sannan yanzu ka ce zaka tozarta ni, wanne irin tozarcin kuma?"
Ba fargaba ya ce "Jira nake yi na ji kin yi aure na dawo mu sake shiga kotu, kinsan na tsotsi kafiya da rashin mutuncinta".
Ta rikice gabadaya take ta ji ta rasa kuzarinta don har rikon da ta yi masa sai da ya yi sakwasakwa.
Idanuwanta sun ciko da k'wallar nadama ta ce "Na janye kalamaina, ban tab'a jin nadama a dukkan tsayin rayuwarta irin wacce na yi akan kalaman da na jefeka da su ba, ka yi hak'uri. Na yarda ban kyauta ba. Allah ya baka hak'uri!
Ya murmusa ya ce "To sake ni."
Ni fa ba zan sake ba har sai Baba Babba ya gan ka.".
Abida ta fad'a idanuwanta cikin nasa.
Ya zabura ya shammace ta ya fizge ya fara k'ok'arin tafiya wajen adana motoci. Ta kuwa sake kai masa wawura. Takaici ya k'ume shi ya ji tamkar ya gaggaura mata maruka masu zafi ko ta shiga taitayinta amma ba zai iya ba.
Juyin duniya ya b'anb'are hannunwanta tuburan ta k'i ba shi damar hakan tabbacin da gaske take yi sai ya gurfana gaban Baban nasu.
Suna cikin haka securities suka zo wajensu. Suka yi magana da Sulaiman da larabci ita dai ba ta ji me suka ce ba ta ga sun tafi ne kawai.
A hassale ya ce "ba za ki sake ni ba ko?"
Ko uffan ba ta ce masa ba illa iyaka tsananta rikon da ta sake yi.
Ita da kanta mamakin cakuikuiye shin da ta yi take yi, bata gane matsanancin son da take yi masa ba sai a ranar. Don kuwa ji ta yi matuk'ar zai sake kubuce mata bayan ta gan shi gara ta mutu ko ta huta da azabar da ke dandana ta rashinsa.
A haka ta hango ya Farouk ya shigo.
Nan da nan ta bude murya ta ce "Yaya Farouk ga shi na rik'e maka shi".
Da hanzari ya iso kusa da su ya kallesu kowa fuskarsa babu walwala sai suka tuna masa shekarun baya da suke y'ar tsama da junansu.
Ya kaurara harshe ya ce "Sake shi Abida ya za ki cakume shi irin haka?"
Nan da nan Sulaiman ya ce "Ba ta riga ta raina ni ba. Saboda tana da gatan da zata yi komai yadda take so, ba tare da an kwabe ta ba.
Ya fad'a cikin fishi sosai.
Ta sake shi a sanyaye don ta lura fishi mai tsananin gaske ya yi da su.

Deenah cakes and more -Kano
09038055790
IG @Deenah cakes and more
Snacks such as :
Birthday cakes
Cupcakes
Samosa
Springrolls
Meatpie
Frozen snacks
Event snacks
Patronage my daughter.

Yayin da Faruku ya hassala da kalaman Sulaiman.
Amma ya yi jarumtar had'iyewa ya ce masa "Wuce mu je ciki".
Cikin sigar umarni.
Bai musa ba ya yarda suka tafi ba don komai ba sai saboda Yaya Farouk mutum ne da kowa a gidan nasu yake jin kunyar yi masa rashin kunya saboda tsananin kirkinsa da haba haba da yake da su ba tare da tunanin su din k'annensa ba ne.
Tiryan tiryan har d'akin da su baba suke ciki. Kaitsaye gadon da Baba Babba yake zaune Sulaiman din ya nufa ya durkusa tare da fad'in "sannu Baba ya jikin, ya kuma iyali?"
Duk d'akin aka zuba musu ido domin dai Baba Babba bai amsa masa gaisuwar da ya yi masa ba, asalima d'auke kai ya yi tare da juyar da fuskarsa d'aya gefen.
Hankalin Sulaiman ya tashi ya yi k'asa da kansa cikin girmamawa ya ce "Ka yi mini hakuri Baba a gafarce ni dan Allah".
Baba bai ce komai ba, bai kuma juyo ba.
A sanyaye yaya Farouk ya ce "
A yi hakuri Baba.".
Amma ko motsi Baban ya k'i bare ya tanka musu. Karon farko da suka ga an gaishe shi ya tankwabar da gaisuwar a dukkan tsayin rayuwarsu gabad'aya.

Ganin haka ya sanya Momi ta ce "daure Alhaji, sake yin hak'uri."
Hankalin Sulaiman ya yi tashin gauron zabi duk da shima cike yake da gillin ba'a yi masa abin da ya kamata ba, amma ya gamsu ya yi laifin da Baba zai yi masa fishi. Fishinsa a kansa kuwa tamkar fishin mahaifinsa ne don haka zai yi iya k'ok'arinsa don ganin Baban ya huce ya karbi gaisuwarsa har ya saka masa albarka.
Ya mik'a hannunsa ya rik'e hannunsa cikin girmamawa da taushin harshe ya ce "Dan Allah Baba ka yi hak'uri, na yi kuskure ban kyauta ba. Dan Allah a gafarce ni!
Sai lokacin Baban ya juyo da fuskarsa ya d'ora akan ta Sulaiman sai ya ga ya sake girma da kuma alamun yana cikin nutsuwarsa.
Ya ce "Anya kuwa Sulaiman zan hak'ura da abin da ka yi mini? "

Kansa a k'asa ya ce "Da kaina ina k'alubalantar kaina Baba. Amma dai ka daure ka yi hak'uri ka karbi tubana da gaisuwata dan Allah!

Baba ya nisa ya ce " Zan karbi gaisuwarka ne kad'ai idan ka yarda ka zo mun tafi gida, don sai mun je gida zan fad'a maka sharadina akanka idan ka amince da sharadina to sannan zan hak'ura na kuma huce. Idan ba haka ba kuwa to lah shakka ba zan karbi gaisuwarka ba, bare na huce da kai, kuma yanzu na gane kai ne Dr Isa din da zai yi mini aikin ido to kuwa ba zan amince a mini aikin ba gabad'aya ".
Nan da nan Sulaiman ya ce "Zamu tafi tare Baba. Zan nemi izinin tafiya da hukumar asibitin, idan da rabon zan dawo na cigaba da aikin da su